زجل حر...... لكل طبيعي وحر....

[ذرى]

طِيرْ ..السما مملكتك طير ....
وفرِّد جناحك بالهوا..
بلكي الهوا بيفلفش زغب جوانحك
وما يشوف وما يشم إلا لون الحب الصافي... معتّق وسهيان
دفيان بين ريشاتك....
هِربان ...!!!
بلكي من برد ختيارْ...!!
والنار ركضْ مجنون بهالهشيم ....وشو غشيم اللي بيعرف نارالحب
.... وما بيعرف دفاهْ .
وشو حلو صوتك ياجوانح الحب .
بترفّي بالوادي ...!!!
وشو رايح وغادي ياطير... متل لمح البصر ْ.
ومش أي عين بتلمحك.
خليك هيك متل شي خيال بهالسّما
ما في أرض تبيّن عليها ....
خلّيك متل الومى ...
ودور ...دور ياطير بمملكتك
أنا عيوني عليك.

وياصوت الشتي والريح
وينك تشعّل بهالجوا حكايات؟؟
أيام ما كنت وحدي وضليت...
صَلّيت تتضلك معي... وما لقيت
إلا لحظ الومى وسكونْ... بعيون منسية
غريب حتى عن حالي غريب!!
وشو قولكن ؟؟؟بيصير شي نهار
يبطل في خبر ينطر على بواب الخبر
قولكن بيصير ؟؟؟
بلكي !!! ..
ماكل شي بيصير......
وكل شي عم يصير......!!!..

[Somar Al-Dali]

موضوع رائع الزجل ...أنا بتمنى أنو الكل يكتبو بهالموضوع من زجلهم و نسجهم الخاص ...يعني كيف ما طلع يطلع بس حلو بجرب و نعمل شعرنا الزجلي الخاص ...

و هي أنا رح بلّش....من بعد ذرى المشكورة عهاللفتة ...


برجنا و شجرنا و جبَلنا ...
و الهوى الغربي مطر و روح جبٍلنا ...
الشفايف الحلوين شو نفعون اذا ما جبَلنا ...
و بوس يا رضاااا للصبح و سحاااااب..


خلونا نجرب ...و طبعا أنا بعرف أنو الشباب عندون مكنون قوي من الزجل لا تبخلوا علينا ..

ولا تواخذونا اذا ما كانت ظابطة :D:D

[Somar Al-Dali]

رحت و تركت الوطن لوين رايح يا منصور ...
أنت و عاصي اللي زرعتوا فينا فكرة الوطن المنصور ...
فيروز صرخت من بيروت,بعلبك,الهرمل و من صور ...
و ين رحتوا و تركتوني يا أغلى الحباااااااااب ...

و هي بلّشنا ...

[د.سامي يعقوب]

طلّ الصباح، ومعو منصور ينقر عا شبّاكي

بسرعة افتحيلو.. وين القهوة، ولك شباكي

مبكّر.. تعبان؟ اي تعبان ومخزّقة شباكي

دني كلها لعبة، بيكفي بقا نرقّع تيااااااااااب

[Moment of peace]

طلبت الحـب وأنــا من الحـب سـكران
وصاحبي جنبي قاعد عم يدق نعسان

سألـتو وقلتـللو يا رفـيقي فـيق وصلنا
صبية من الجمال خلت هالقلب حيران

سألتها من وين القمر مهاجر تارك سماه
قالت زعلانة من نجوم السمــــــا الغيرانة

صوتها كأنو نور الشمس وطلع بوجهي
و عميت من جمال هالــــصوت الــرباني

نسيت كل شي قالـيـتـو جــمـــالـها أعماني
خلاني فوق السكرة أسكر ويتلخبط لساني

يا ترى حبـيـتها .. مــيــن سائل طالما
أنا ع هالمصطبة مصبح مسّي جيراني

الله يســـاعد اللي مابـيـشــوف هــيـــك جــمـال
أو بتعرفو هيك أحسن يـشوفو الحلو عالعمياني
____________________________

صفتلية
بقلمي
والحقوق محفوظة

[Lina-Kh]

الهوا بمهجتي نارو مصلي
مريض وما حدا علأ مصل لي
أنا ليل نهار عم اركع وصلي
لتبقي تدوميلي يا اغلى الحباب

[عصفورة الشجن]

طلّ البدرع َتلالنا وبِ طلـِّتو........هبتْ معو النسماتْ لمّا قشعتو
وعنقودنا المجيّز هاللـِّيْ ما إستوى.......مثلْ الطفلْ دهدر وبانتْ سِنـِّتو
منْ شِعر هاكْ البدر بعدو ما إرتوى...وناطر شِعِرْ يرويهْ منْ نـَبعْ الزجلْ
تا يستويْ وتـْصيرْ حلـِّويْ حَبـِّتو